اسلام آباد (این این آئی)مسلم لیگ (ن)کی شائستہ ملک نے رکن قومی اسمبلی کا حلف اٹھالیا۔ بدھ کو مسلم لیگ (ن)کی شائستہ ملک نے رکن قومی اسمبلی کا حلف اٹھالیا،شائستہ ملک قومی اسمبلی کے حلقے این اے133 سے منتخب ہوئی ہیں،،یہ حلقہ ان کے شوہر پرویز ملک کی وفات سے خالی ہوا تھا۔نومنتخب رکن شائستہ پرویز ملک نے کہاکہ این اے 133 کے ضمنی انتخابات میں ووٹوں کی تھوک و پرچون خریداری ہوئی،ضمنی انتخاب میں مسلم لیگ ن ایک طرف جبکہ دیگر جماعتیں ایک طرف تھیں،این اے 133 کے ضمنی انتخابات میں مکروہ ہتھکنڈے استعمال کرنے والوں کو سامنے لایا جائے۔ انہوں نے کہاکہ میری جعلی ویڈیوز پھیلانے والوں کو سامنے لایا جائے۔