لاہو ر( این این آئی) پاکستان کرکٹ بورڈ کی مینجمنٹ کمیٹی کے سربراہ نجم سیٹھی نے کہا ہے کہ افسوس ہے علی سیٹھی پاکستان سپر لیگ (پی ایس ایل)کا گانا نہیں گا سکے گا۔لاہور میں پی ایس ایل 8 کے شیڈول کے اعلان کے دوران پریس کانفرنس میں نجم سیٹھی نے کہا کہ علی سیٹھی کو بھی اس بات کا افسوس ہے،

جب میں نہیں ہوں گا تب علی سیٹھی کو لے آئیں گے۔نجم سیٹھی نے مزید کہا کہ میری پوزیشن بھی دیکھیں، میں تنازع میں نہیں پڑنا چاہتا۔ذرائع کے مطابق پی سی بی کی سابقہ مینجمنٹ پاکستان سپر لیگ کے اینتھم سونگ کے لئے علی سیٹھی سے رابطے میں تھی جس کیلئے نجم سیٹھی کے صاحبزادے علی سیٹھی امریکہ سے لاہور بھی آگئے تھے۔تاہم نجم سیٹھی نے عہدہ سنبھالنے کے بعد علی سیٹھی سے معاملات معطل کرا دیئے ۔ ذرائع کا کہنا ہے کہ نجم سیٹھی نے مفادات کے ٹکرا سے بچنے کے لئے یہ قدم اٹھایا۔دوران پریس کانفرنس نجم سیٹھی نے کہا کہ کوئٹہ میں نمائشی میچ پی ایس ایل سے قبل 5فروری کو ہوگا، رمیز راجہ 100مرتبہ آئیں کمنٹری کریں ہماری طرف سے رکاوٹ نہیں،یہ میرے ہاتھ میں نہیں براڈ کاسٹنگ ٹیم نے فیصلہ کرنا ہے۔  نجم سیٹھی نے کہا ہے کہ افسوس ہے علی سیٹھی پاکستان سپر لیگ (پی ایس ایل)کا گانا نہیں گا سکے گا۔لاہور میں پی ایس ایل 8 کے شیڈول کے اعلان کے دوران پریس کانفرنس میں نجم سیٹھی نے کہا کہ علی سیٹھی کو بھی اس بات کا افسوس ہے