اسلام آباد(این این آئی)قومی اسمبلی میں تحریک انصاف کے مزید استعفے منظور کرنے پر ہوم ورک مکمل کر لیا گیا، سپیکر نے پی ٹی آئی کے مزید30استعفے منظور کرنے کی تیاری کر لی۔ذرائع کے مطابق مزید اراکین کے استعفے مرحلہ وار منظور کئے جائیں گے، قومی اسمبلی شعبہ قانون سازی نے ہوم ورک مکمل کر لیا، قومی اسمبلی شعبہ قانون سازی نے فائل سپیکر کو بھجوا دی۔ق لیگ کے مونس الہٰی اور حسین الہٰی کو بھی ایوان سے باہر کرنے پر غور کیا جا رہا ہے، آئین کے آرٹیکل 64کی شق دو کو استعمال کرتے ہوئے دونوں کے خلاف کارروائی ہو سکتی ہے۔