لندن (این این آئی)بنگلادیش کے آل راؤنڈر شکیب الحسن کو مشکوک ایکشن کی وجہ سے انگلینڈ میں بولنگ کرانے سے روک دیا گیا ہے۔
کرکٹ ویب سائٹ کے مطابق شکیب الحسن کو انگلینڈ کرکٹ بورڈ (ای سی بی) کے مقابلوں میں بولنگ سے معطل قرار دیا گیا ہے۔بنگلادیشی آل رائونڈر کا بولنگ ایکشن کاؤنٹی چیمپئن شپ میں رپورٹ ہوا تھا، وہ ایونٹ میں سرے ٹیم کی نمائندگی کر رہے تھے۔کرکٹ ویب سائٹ کے مطابق ای سی بی کے مقابلوں میں شکیب الحسن اپنا ایکشن کلیئر قرار پانے تک بولنگ نہیں کراسکیں گے،انہیں اپنا ایکشن کا اّزاد معائنہ کرانا ہوگا۔
