راولپنڈی (این این آئی) پاکستانی ٹیسٹ ٹیم کے کپتان شان مسعود نے کہا ہے کہ پورے پاکستان کی طرح پاکستان کرکٹ ٹیم بھی مایوس ہے، اپنی غلطیاں مانتے ہیں، ہم مداحوں سے معذرت کرتے ہیں۔میڈیا سے گفتگو میں بنگلادیش سے ٹیسٹ میں شکست کے بعد قومی ٹیم کے کپتان شان مسعود نے اعتراف کیا کہ راولپنڈی ٹیسٹ میں اسپنر کو نہ کھلانا غلطی تھی، ان کے خیال میں تین فاسٹ بالرز اور ایک اسپیشلسٹ اسپنر کے ساتھ جانا چاہیے تھا۔ کھلاڑیوں نے اپنا سو فیصد دیا، غلطیاں سب سے ہوتی ہیں، اس وقت ایک دوسرے کو سہارا دینا ہے۔شان مسعود نے پچ کا شکوہ کرتے ہوئے کہا کہ راولپنڈی ٹیسٹ کیلئے وکٹ ڈومیسٹک کرکٹ سے مختلف تھی، میرے خیال میں ٹیسٹ میچ کیلیے یہاں کی مختلف پچ تھی۔

انہوںنے کہاکہ شکست کی وجوہات ہیں، دوسری اننگز میں 117 رنز کی لیڈ اتارنے کے بعد ہم ڈرا کا سوچ رہے تھے۔قومی ٹیم کے کپتان نے کہا کہ پہلے ٹیسٹ کیلیے یہاں کی کنڈیشنز مختلف تھیں۔انہوں نے کہا کہ بہت مایوس کن پرفارمنس تھی، بنگلادیش کو ہلکا نہیں لیا، بنگلادیش نے ڈسپلن ٹیسٹ کرکٹ کھیلی، جو امید کی تھی کنڈیشنر اس کے برعکس تھیں، اگر ڈیکلیئریشن سے قبل کچھ رنز کر لیتے تو رزلٹ شاید مختلف ہوتا۔شان مسعود نے کہا کہ پچ میں فاسٹ بولرز کیلئے کافی مدد تھی۔

بنگلادیشی فاسٹ بولرز نے بہت اچھی بولنگ کی، دوسری نئی گیند لینے کے بعد فاسٹ بولرز وکٹیں نہیں لے سکے، پہلے روز بارش اور پچ پر گھاس دیکھ کر پہلی اننگز ڈیکلیئر کی تھی۔انہوں نے کہا کہ پاکستان نے گزشتہ دس ماہ سے ٹیسٹ کرکٹ نہیں کھیلی تھی، پاکستان کو ٹیسٹ میچ میں کافی مواقع ملے جس سے بنگلادیش پر پریشر ڈالا جا سکتا تھا۔شان مسعود نے کہا کہ بنگلادیش کوکریڈٹ جاتا ہیانہوں نے ایک کے بعد ایک وکٹ حاصل کی، ہم سلیکشن میں سوچ و بچار کریں گے، کنڈیشنر کے مطابق اسپنر کو شامل کرنے پر سوچیں گے، ابرار احمد نے دورہ آسٹریلیا سے قبل فرسٹ کلاس کرکٹ نہیں کھیلی تھی۔