لاہور (این این آئی) قومی ٹیم کے اوپنر احمد شہزاد کو لوکل بالر کہہ کر ایک اوور میں 2 مرتبہ کلین بولڈ کردیا۔تفصیلات کے مطابق ٹی20 ورلڈکپ کے دوران کپتان بابراعظم پر تنقید کے نشتر چلانے والے اوپنر احمد شہزاد کو سوشل میڈیا پر شدید ٹرولنگ کا سامنا کرنا پڑا جس کی وجہ پاکستان کا مقامی لوکل بالر تھا۔ویڈیو میں دیکھا جاسکتا ہے کہ احمد شہزاد بالر کو ایک اوور میں 3 چھکے لگانے کا چیلنج کرتے ہیں جبکہ بالرز یہ کہتے دکھ رہا ہے کہ 2 بار آؤٹ کروں گا۔

احمد شہزاد تو لوکل بالر کو ایک اوور میں تین چھکے نہ لگا سکے تاہم بالر کی جانب سے 2 بار اوپنر کو آؤٹ کرنے کی ویڈیو خوب وائرل ہورہی ہے جس پر بابراعظم کے مداح انکا مذاق بنارہے ہیں۔واضح رہے کہ ٹی20 ورلڈکپ کے دوران احمد شہزاد نے مقامی ٹی وی پر بطور تجزیہ کار کپتان بابراعظم سمیت ٹیم کو ناقص پرفارمنس پر کڑی تنقید کا نشانہ بنایا تھا۔احمد شہزاد نے بابراعظم پر ٹیم میں دوستوں کو کھلانے کا الزام عائد کیا تھا جبکہ پاکستان کرکٹ بورڈ پر بھی تنقید کی تھی۔