نارتھ سائونڈ(این این آئی)آئی سی سی ٹی 20 ورلڈ کپ 2024ء کے 20 ویں میچ میں اسکاٹ لینڈ نے عمان کو 7 وکٹ سے شکست دے دی۔اسکاٹ لینڈ نے گروپ بی میں پانچ پوائنٹس کے ساتھ ٹاپ پوزیشن حاصل کرلی ہے۔نارتھ سائونڈ میں کھیلے گئے میچ میں اسکاٹ لینڈ نے عمان کے خلاف 7 وکٹ پر 150 رنز بنائے، اوپنر پراتھک اتھاوالے نے 54 رنز کی شاندار اننگز کھیلی۔

مڈل آرڈر میں ایان خان نے 41 رنز کی ناقابل شکست اننگز کھیلی، عمان کی جانب سے سفیان شریف نے دو وکٹیں حاصل کیں۔151 رنز کے تعاقب میں اسکاٹ لینڈ کے بیٹرز نے اچھی بیٹنگ کی، جارج مونسے نے 41 رنز کی اننگز کھیلی، پھر برینڈن میک ملن نے شاندار بلے بازی کی اور61 رنز کی ناقابل شکست اننگز کھیل کر اپنی ٹیم کو 13 اعشاریہ ایک اوور میں فاتح بنوا دیا۔