اسلام آباد (نیوزڈیسک)ٹی 20 ورلڈ کپ میں پاکستان اور بھارت کے درمیان میچ ایک اوور بعد ہی بارش کے باعث روک دیا گیا۔ بھارت کی جانب سے کپتان روہت شرما اور ویرات کوہلی اوپننگ کر رہے ہیں ۔ بھارت نے ایک اوور میں بغیر کسی وکٹ کے نقصان پر 8رنز بنا لیے۔پہلے اوور میں کپتان روہت شرما نے شاہین آفریدی کو ایک چھکا مارا جبکہ اوور کی آخری گیند پر روہت شرما آوٹ ہوتے ہوئے بال بال بچے ۔اس سے قبل بابر اعظم نے ٹاس جیت کر پہلے فیلڈ نگ کا فیصلہ کیا ۔

اس موقع پر روی شاستری سے گفتگو کرتے ہوئے بابر اعظم نے کہا کہ بادل چھائے ہوئے ہیں اور پچ پر نمی ہے اس کی وجہ سے باولرز کو مدد ملے گی ۔ ان کا کہنا تھا کہ ماضی کا میچ ماضی کا حصہ ہو گیا آج کے میچ کے لیے تمام کھلاڑی پر ا عتماد ہیں ، اعظم خان کی جگہ عماد وسیم کھیلیں گے۔ بھارتی کپتان روہت شرما نے کہا کہ ہمیں پہلے کنڈیشنز کو جانچنا ہو گا ، ٹاس آپ کے ہاتھ میں نہیں ہے لیکن جو آٰپ کے ہاتھ میں ہے اس سے بھر پور فائد ہ اٹھانے کی کوشش کریں گے۔