سڈنی(این این آئی)آسٹریلیا کے کپتان ایرن فنچ نے بابر اعظم اور ویراٹ کوہلی کو کور ڈرائیو میں ماسٹر قرار دے دیا۔حال ہی میں آئی پی ایل فرنچائز کولکتہ نائٹ رائیڈرز کو جوائن کرنے والے فنچ سے ٹویٹر پر سوال و جواب کے سیشن میں جب پوچھا گیا کہ ان کے خیال میں بہترین کور ڈرائیو کون کھیلتا ہے تو ان کا جواب تھا کہ بابر اعظم اور ویراٹ کوہلی ان دونوں کو یہ شاٹ کھیلتے ہوئے دیکھنا ہمیشہ ہی اچھا لگتا ہے۔قومی ٹیم کے وکٹ کیپر بیٹر محمد رضوان کا ویڈیو پیغام انگلش کاؤنٹی سسکس کی جانب سے اپنے آفیشل ٹوئٹر ہینڈل پر شئیر کیا گیا ہے جس میں محمد رضوان انتہائی خوشگوار موڈ میں گراونڈ میں نظر آرہے ہیں، ویڈیو میں قومی ٹیم کے ویکٹ کیپر بیٹر نے سب سے پہلے اپنا تعارف کرایا اور اس کے بعد اپنے مداحوں کو بتایا کہ میں سسکس فیملی کا حصہ بننے پر بہت خوش ہوں۔محمد رضوان نے کہا کہ ان سے ٹورنامنٹ شروع ہونے کا انتظار نہیں ہو رہا۔