سڈنی (این این آئی)بھارت اور آسٹریلیا کے درمیان کھیلے گئے دوسرے ون ڈے میچ کے دوران اسٹیڈیم میں بیٹھے دو کرکٹ شائق نے اچانک ہی ایک دوسرے کو زندگی کا ساتھی کا اختیار کرلیا۔کرکٹ میچ سے لطف اندوز ہوتے بھارتی کرکٹ ٹیم کے شرٹ پہنے لڑکے نے
آسٹریلوی شرٹ پہنے لڑکی کو شادی کی پیشکش روائتی انداز میں گھٹنوں پر بیٹھ کر کی جسے لڑکی نے قبول کرلیا۔اسٹیڈیم میں لڑکا لڑکی کے آس پاس بیٹھے لوگوں کی خوشی دیدنی تھی، لڑکی کے ہاں کہنے پر سٹیڈیم میں موجود شائقین کرکٹ نے جشن منانے کے ساتھ ساتھ دونوں کو مبارک باد بھی دی۔آسٹریلوی آل راؤنڈر گلین میکسویل بھی تالیاں بجا کر جوڑے کو مبارک باد دیتے نظر آئے۔سڈنی کرکٹ گراؤنڈ میں اپنی نوعیت کے اس انوکھے واقعے کی ویڈیو سوشل میڈیا پر وائرل ہوچکی ہے۔واضح رہے کہ آسٹریلیا نے دوسرے ون ڈے میں بھارت کو 51 رنز سے شکست دے کر تین میچوں پر مشتمل سیریز میں 0ـ2 کی فیصلہ کن برتری حاصل کرلی ہے۔
