لندن (این این آئی)جنون کی حد تک فٹ بال کھیلنے والے 80 سالہ برطانوی فٹ بائولر پیٹر ویبسٹر نے ریٹائرمنٹ کا فیصلہ کرلیا ۔پیٹر ویبسٹر انگلینڈ کے شہر پرسٹن میں پیدا ہوئے اور اب وہ آسٹریلیا میں رہتے ہیں، انہوںنے کہا کہ میں جس طرح سے پہلے میچز میں اپنا حصہ ڈالتا تھا اس طرح سے اب نہیں کھیل پا رہا۔80 سالہ پیٹر ویبسٹر نے 15 سال کی عمر سے فٹ بال کھیلنا شروع کی اور بعد

ازاں انہوں نے 20 اور 30 کی دہائی میں ویلش لیگز میں بہت سے ٹیموں کیلئے فٹ بال کھیلی۔پیٹر ویبسٹر کو مقامی کھیل کا لیجنڈ مانا جاتا ہے اور یہی وجہ ہے کہ ان کے نام سے منسوب ایک مقابلہ بھی کھیلا جاتا ہے جسے پیٹر ویبسٹر کپ کا نام دیا گیا ہے۔پیٹر نے اس عمر میں بھی فٹ بال کھیلنے کے حوالے سے اپنی صحت کا راز بتایا کہ وہ روزانہ سائیکل چلانے کے ساتھ دوڑ کیلئے بھی جاتے ہیں۔