پیرس ( آن لائن) ویمنز ورلڈ کپ فٹ بال ٹورنامنٹ کا پری کوارٹر فائنل مرحلہ (آج) ہفتہ سے شروع ہوگا۔ تفصیلات کے مطابق فرانس میں رواں میگا ٹورنامنٹ میں ٹیموں کے درمیان عالمی ٹائٹل کے حصول کیلئے زبردست مقابلوں کا سلسلہ جاری ہے۔ میگا ایونٹ میں پری کوارٹر فائنل مرحلہ آج سے شروع ہوگا۔میگا ایونٹ میں (آج) ہفتہ کو دو پری کوارٹر فائنل میچ کھیلے جائینگے پہلے میچ میں جرمنی کا مقابلہ نائیجیریا سے ہوگا جبکہ دوسرا پری کوارٹر فائنل میچ ناروے اور آسٹریلیا کی ٹیموں
کے درمیان کھیلا جائیگا۔پری کوارٹر فائنل مرحلہ میں (کل) بھی دو میچز کھیلے جائینگے۔ پری کوارٹر فائنل مرحلہ 25 جون کو ختم ہوگا، اس کے بعد میگا ایونٹ کے کوارٹر فائنلز 27، 28 اور 29 جون کو کھیلے جائینگے جس کے بعد چار ٹیمیں سیمی فائنل مرحلے کے لئے کوالیفائی کریں گی۔ میگا ایونٹ کا پہلا سیمی فائنل میچ 2 جولائی کو کھیلا جائے گا جبکہ دوسرا سیمی فائنل میچ 3 جولائی کو کھیلا جائیگا۔ میگا ایونٹ کی دو فائنلسٹ ٹیموں کے درمیان فائنل معرکہ 7 جولائی کو ہوگا۔
