مانچسٹر (این این آئی)بھارتی کرکٹ ٹیم کے سابق کپتان سچن ٹنڈولکر نے کپتان سرفراز احمد کو تنقید کا نشانہ بناتے ہو ئے کہا ہے کہ سرفراز احمد کنفیوژتھے انہوں نے غلط فیصلے کئے۔بھارتی کرکٹ ٹیم کے سابق کپتان سچن ٹنڈولکر نے ایک انٹرویو میں بڑے میچ میں پاکستان ٹیم کے کپتان سرفراز احمد کنفیوژتھے، جس کے باعث انہوں نے غلط فیصلے کئے۔انہوں نے کہاکہ راہول شرما اور کوہلی کی بیٹنگ کے دوران درست فیلڈنگ نہیں لی گئی، وہاب ریاض کی
بولنگ کے دوران شارٹ مڈ وکٹ پر فیلڈر لیا، شاداب خان کی بولنگ کے دوران سلپ میں فیلڈر کھڑا کر دیا۔انہوں نے کہا کہ ان کنڈیشنز میں لیگ اسپنر کے لیئے بال گرپ کرنا مشکل ہوتا ہے، بڑے میچ کیلئے اپروچ درست نہیں تھی، سوچ بچار اور کچھ ہٹ کر کرنے کی کمی تھی۔سچن نے کہا کہ بال موو نہ کر رہا ہو تو اوور دی وکٹ بولنگ جاری نہیں رکھی جاتی، میں ہوتا تو بولروں کو کچھ مختلف کرنے کا کہتا میں نے کبھی سوچا نہیں تھا کہ ہم وکٹ کھوئیں گے۔
