اسلام آباد (این این آئی)وزیر اعظم عمران خان اور کابینہ کی مراعات میں کمی کے بعد پاکستان کرکٹ بورڈ کے ایم ڈی وسیم خان نے اپنا ڈیلی الائونس کم کرکے 320کے بجائے دو سو ڈالرز کردیا ہے۔میڈیارپورٹ کے مطابق وہ ورلڈ کپ کیلئے انگلینڈ میں بیس دن قیام کریں گے تاہم وسیم خان نے صرف نودن کا ڈیلی الائونس اس لئے لینے کا فیصلہ کیا ہے کیوں کہ نو دن ان کی میٹنگز ہیں۔پی سی بی ترجمان کا کہنا ہے کہ وسیم خان کا گھر انگلینڈ میں ہے اس لئے وہ رہائش کے لئے کوئی پیسے نہیں لیں گے۔وہ برطانیہ میں اپنی گاڑی استعمال کریں گے۔وسیم خان نے6400ڈالرز کے بجائے 1800ڈالرز کا ڈیلی الاونس لینے کا

فیصلہ کیا ہے،پی سی بی چیئر مین احسان مانی 21جون کو آئی سی سی کے مہمان کی حیثیت سے بر طانیہ جارہے ہیں۔آئی سی سی نے احسان مانی کو سابق صدر کی حیثیت سے مدعو کیا ،احسان مانی اس دوران پی سی بی سے کوئی ڈیلی الائونس نہیں لیں گے جبکہ وسیم خان نے ورلڈ کپ کے دوران ڈیلی الائونس کم لینے کا فیصلہ کیا ہے احسان مانی نے مستقل طور اپنے غیر ملکی دورے میں ڈیلی الاونس چھ سو ڈالرز سے کم کرکے چار سو ڈالرزکردیا ہے،ماضی میں اگر چیئرمین اپنی رہائش استعمال کرتے تھے تو انہیں بارہ سو ڈالرز ملتے تھے تاہم احسان مانی نے اپنا ڈیلی الائونس د و سو ڈالرز مستقل بنیادوں پر کم کردیا ہے۔