لندن (این این آئی)پاکستان کے مڈل آرڈربیٹسمین حارث سہیل نے انگلینڈ کیخلاف جاری ون ڈے سیریز میں عمدہ کارکردگی دکھانے کے عزم کا اظہار کرتے ہوئے کہا ہے کہ انگلینڈ نمبر ون سائیڈ ہے،اس کی بولنگ بھی اچھی ہے،پہلے میچ میں بارش کی وجہ سے پورا موقع نہ مل سکا،باقی میچز میں بہتر کھیل کا مظاہرہ کریں گے۔ میڈیا سے گفتگو کرتے ہوئے انہوںنے کہاکہ کوشش کروں گا کہ آسٹریلیا

کیخلاف سیریز کی طرح یہاں بھی پرفارم کروں، انگلینڈ نمبر ون سائیڈ ہے،اس کی بولنگ بھی اچھی ہے۔ ورلڈ کپ سے قبل انگلینڈ میں انگلینڈ کیخلاف کھیل کر بہت فائدہ ہوگا۔پہلے میچ سے متعلق حارث سہیل نے کہا کہ کنڈیشنز بولرز کو سپورٹ کررہی تھیں لیکن بعدمیں امام اور وہ سیٹ ہوگئے تھے پر بارش کی وجہ سے پورا موقع نہ مل سکا،بقیہ میچز میں بہتر کھیل کا مظاہرہ کریں گے۔