لندن (این این آئی)انگلش پریمیئر لیگ میں لیور پول نے ہڈرز فیلڈ کو پانچ صفر سے شکست دے دی، جس کے بعد ٹیم پوائنٹس ٹیبل پر پہلی پوزیشن پر آگئی۔انگلش پریمیر لیگ میں لیور پول نے گزشتہ روز ہونے والے میچ میں ہڈرز فیلڈ کیخلاف جارحانہ کھیل پیش کیا۔محمد صلاح کی ٹیم پورا وقت میچ پر حاوی رہی۔ نابائی کیٹا نے پہلے منٹ میں
ہی نے گول اسکور کردیاجس کے بعد داصیو مانے نے دو بار گیند کو جال میں پہنچایا۔اسٹار فٹ بالر محمد صلاح نے بھی مخالف ٹیم کے خلاف دو گولز داغے۔ لیورپول نے ہڈرز فیلڈ کو پانچ صفر سے ہرا کر مسلسل ساتویں کامیابی حاصل کرلی جس کے بعد لیور پول کی ٹیم پوائنٹس ٹیبل پر ایک بار پھر پہلی پوزیشن پر آگئی۔
