لندن (این این آئی) انگلینڈ کرکٹ ٹیم کے کھلاڑی الیکس ہیلز پر منشیات استعمال کرنے پر 21 دنوں کی پابندی عائد کردی گئی۔برطانوی میڈیا کے مطابق الیکس ہیلز انگلش بورڈ کی ڈرگ پالیسی میں دوسری بار ناکام ہوئے۔ گزشتہ ہفتے ناٹنگھم شائر نے ہیلز کو ون ڈے کپ سے باہر بٹھا دیا تھا تاہم وجوہات ظاہر نہیں کی تھیں۔

الیکس ہیلز انگلینڈ کے 15 رکنی ورلڈکپ اسکواڈ کا حصہ ہیں تاہم سلیکٹرز کو اسکواڈ کا اعلان کرتے وقت اس کا علم نہیں تھا۔ الیکس ہیلز ڈیڑھ سال میں دوسری بار پابندی کا شکارہوئے ہیں۔ ستمبر2017 میں برسٹل نائٹ کلب کے باہر شہری سے جھگڑے کے سبب بھی ان کو پابندی اور جرمانے کا سامنا کرنا پڑا تھا۔