لاہور(این این آئی)ازبکستان ہاکی ٹیم 28 اپریل کو لاہور پہنچے گی۔دورہ پاکستان کیلئے ازبکستان کی ہاکی ٹیم 28 اپریل کو لاہور پہنچے گی۔ پہلے یہ دورہ 20 اپریل سے شروع ہونا تھا تاہم سفری دستاویزات اور دوسرے لاجسٹک مسائل کی وجہ سے ایسا نہ ہوسکا، ازبکستان کی ٹیم پاکستان میں ہونے والے ہاکی

اوپن سیریز کے راؤنڈ میں فاتح رہی تھی، وہ دوسری بار پاکستان کی مہمان بنے گی۔اس دورے میں وہ پاکستان ڈیویلپمنٹ ٹیم کے ساتھ 5 میچزکھیلے گی، ڈیویلپمنٹ اسکواڈ کی تیاریوں کے لیے گوجرہ میں ایک ٹورنامنٹ منعقد ہوا ہے اور اس کے بہترین پرفارمرز کو ازبکستان کے خلاف میدان میں اتاراجائیگا۔