اسلام آباد (این این آئی) پاکستان ہاکی فیڈریشن کے سیکرٹری شہباز سینئر نے کہاہے کہ پاکستان ہاکی فیڈریشن کے پاس کھیلنے کیلئے پیسے نہیں ، جرمانہ کہاں سے دیں ؟۔ تفصیلات کے مطابق انٹرنیشنل ہاکی فیڈریشن (ایف آئی ایچ) نے پاکستان ہاکی فیڈریشن پرجرمانہ عائد کردیا، پاکستان ہاکی فیڈریشن پرایک لاکھ 70 ہزار یوروز کاجرمانہ کیا گیا،پاکستان ہاکی فیڈریشن پر جرمانہ پروہاکی لیگ میں کمٹمنٹس پورا نہ کرنے کی وجہ سے جرمانہ عائد کیا گیا۔سیکریٹری پاکستان ہاکی فیڈریشن شہباز سینئر نے رد عمل کا اظہار

کرتے ہوئے کہا کہ انٹر نیشنل ہاکی فیڈریشن ( ایف آئی ایچ )کے جرمانے کا جواب وکلا کی مشاورت سے دیں گے۔انہوں نے کہا کہ پروہاکی لیگ میں نہ جانے کا کوئی عذر پیش نہیں کرسکتے۔ انہوں نے کہا کہ پاکستان پرجرمانہ ہونا افسوسناک ہے۔ تاہم پابندی سے بچ گئے ہیں۔شہباز سینئر نے کہاہے کہ جرمانے کو کم سے کم کرانے کی کوشش کریں گے ، مسئلہ ہی پیسے کا ہے اگر پیسہ ہوتا تو ایونٹ میں شرکت کرتے۔شہباز احمد سینئر نے کہاکہ ہمارے پاس کھیلنے کے لیے پیسے نہیں،جرمانہ کہاں سے دیں گے؟

موضوعات:شہباز سینئر