نئی دہلی(این این آئی) بھارتی ٹیم کے سابق ٹیسٹ بلے باز وریندر سہواگ نے کہا ہے کہ ورلڈکپ میں پاکستان اور بھارت کے درمیان میچ نہیں جنگ ہوگی۔ تقریب سے خطاب کرتے ہوئے انہوں نے کہاکہ ورلڈکپ 2019 میں 16 جون کو مانچسٹر کے میدان میں پاکستان اور بھارت کے درمیان میچ ہوگا، دراصل یہ میچ نہیں بلکہ جنگ ہے اور ہمیں ہر حال میں پاکستان کو ہرانا ہوگا۔ انہوں نے کہاکہ اگر پاکستان سے میچ نہ

بھی ہوا تو کوئی فرق نہیں پڑتا تاہم ہمیں ملک کے بہتر مفاد میں سوچتے ہوئے فیصلہ لینا چاہیے۔کرکٹ سے سیاست میں آنے سے متعلق سوال پر وریندر سہواگ نے کہا کہ میں نے کرکٹ میں ہمیشہ کنٹریکٹ سائن کیے ہیں چاہیے وہ آئی پی ایل ہو یا رانجھی ٹرافی اور ویسے ہی کوئی بھی سیاسی جماعت مجھے اچھا کنٹریکٹ دیگی تو میں اس پارٹی میں شامل ہوجاوں گا اور وہ کنٹریکٹ 100 کروڑ سے کم کا نہیں ہونا چاہیے۔

موضوعات:وریندر سہواگ