لاہور(نیوز ڈیسک) ورلڈ کپ کے لیے پاکستانی سکواڈ کاحتمی اعلان 18 اپریل کو ہو گا لیکن ایک نجی ٹی وی چینل کی رپورٹ کے مطابق ورلڈ کپ کے لیے قومی ٹیم کے پندرہ کھلاڑیوں کے ناموں کو فائنل کر لیا گیا ہے، محمد حفیظ اور آصف علی اور فاسٹ بالر محمد حسنین اور عثمان شینواری میں سے کسی ایک کو منتخب کیا جائے گا، نجی ٹی وی چینل کے مطابق جن تیرہ کھلاڑیوں کے نام فائنل کیے گئے ہیں، ان میں اوپنرز
میں فخر زمان، امام الحق اور نوجوان عابد علی شامل ہیں۔آل راؤنڈرز میں فہیم اشرف، شاداب خان اور عماد وسیم ٹیم کا حصہ ہیں۔مڈل آرڈر بلے بازو ں میں بابر اعظم، حارث سہیل، شعیب ملک اور کپتان سرفراز احمد کے نام ہیں اس کے علاوہ فاسٹ بالرز میں حسن علی، محمد عامر اور شاہین آفریدی کو منتخب کیا گیا ہے۔واضح رہے کہ فٹنس ٹیسٹ کے بعد پندرہ رکنی ٹیم کا اعلان 18 اپریل 2019ء کو کیا جائے گا۔
