ریاض (این این آئی)سعودی عرب میں خواتین پر ڈرائیونگ کی پابندی کے خاتمے کے بعد پہلی سعودی خاتون برطانوی فارمولا فور کار ریس میں حصہ لیں گی۔ بی بی سی کے مطابق27 سالہ ریما جوفالی دفاعی چمپئن ڈبل ریسنگ میں لوئس فوسٹر اور سباسچین الواریز کے ہمراہ ڈرائیو کریں گی۔ جب سعودی عرب نے 2018 میں پہلی
بار عورتوں کو ڈرائیونگ کی اجازت دی تو اس کے چند ماہ بعد ہی ریما جوفالی نے کار ریسنگ کے مقابلوں میں حصہ لینا شروع کر دیا۔۔جدہ میں پیدا ہونے والی ریما جوفالی نے کہا کہ اپنے ملک کی نمائندگی کرنا ان کیلئے اعزاز کی بات ہے۔انہوں نے کہاکہ اس تقابلی چمپئن شپ کی وجہ سے یہ سال بہت مشکل رہے گا تاہم میں اس چیلنج کیلئے تیار ہوں۔
