کراچی (این این آئی)اسپین کی قومی ٹیم اور مشہور کلب ایف سی بارسلونا کے لیجنڈری فٹ بالر کارلوس پیول پاکستان میں فٹ بال کے فروغ کیلئے(کل) 16 مارچ کو کراچی پہنچیں گے اور ورلڈ سوکر اسٹارز 2019 کے ٹکٹوں کی فروخت کا افتتاح کریں گے۔منتظمین کے مطابق ورلڈ سوکر اسٹارز، فٹ بال کی آمد کا جشن منانے کا شاندار موقع فراہم کر رہے ہیں اور میری معلومات کے
مطابق فٹ بال پاکستان میں ابھرتا ہوا دوسرا کھیل ہے۔خیال رہے کہ ٹچ اسکائی گروپ کے ایک منصوبے کے تحت پاکستان میں ورلڈ سوکر اسٹارز 2019 کے دو میچ ہوں گے جو 27 اپریل کو کراچی اور 28 اپریل کو لاہور میں کھیلے جائیں گے، جس میں دنیا کے چند بڑے نام شریک ہوں گے۔پاکستان میں ان میچوں کے دوران امریکا کے مشہور سینیگالی گلوکار ایکون کا کنسرٹ بھی ہوگا۔
