کراچی (این این آئی)سندھ باکسنگ ایسوسی ایشن کے زیراہتمام ویمنز انٹرنیشنل ڈے کے موقع پر ایک روزہ ویمنز باکسنگ ٹورنامنٹ (آج) جمعرات کو لیاری کراچی میں کھیلا جائیگا۔ سندھ باکسنگ ایسوسی ایشن کے جنرل سیکرٹری محمد اصغر بلوچ کے مطابق ایونٹ کی تیاریاں زور شور پر ہیں اور ایونٹ میں 8
کیٹگریز کے مقابلے رکھے گئے ہیں جن میں 48 کلوگرام، 51 کلوگرام، 54 کلوگرام، 57 کلوگرام، 60 کلوگرام، 64 کلوگرام، 69 کلوگرام اور 75 کلوگرام شامل ہیں۔ ایونٹ میں انڈر۔18 خواتین باکسرز حصہ لیں گی۔ انہوں نے کہا کہ ایونٹ کے دوران سندھ باکسنگ چمپئن شپ کیلئے کراچی ٹیم کا چناؤ بھی کیا جائیگا۔
