پی ایس ایل،کراچی اور لاہور کے میچز کے ٹکٹوں کی قیمتیں مقرر، فروخت کا عمل رواں ہفتے شروع ہوگا

  پیر‬‮ 11 فروری‬‮ 2019  |  17:00

اسلام آباد (این این آئی) پی ایس ایل کے چوتھے ایڈیشن کے کراچی اور لاہور میں کھیلے جانیوالے میچز کے ٹکٹوں کی فروخت کا عمل رواں ہفتے سے شروع ہو گا۔تفصیلات کے مطا بق پی ایس ایل کے چوتھے ایڈیشن کا آغاز 14فروری سے یو اے ای میں ہو گا اور پہلی مرتبہ لیگ کے 8 میچز پاکستان میں کھیلے جا ئینگے۔2019 ایڈیشن کے قریب آتے ہی لیگ کی انتظامیہ نے کراچی اور لاہور میں کھیلے جانیوالے لیگ کے میچز کیلئے ٹکٹوں کی قیمتوں کا اعلان کردیا ہے جنہیں رواں ہفتے آن لائن فرو خت کیلئے پیش کیا جا ئیگا۔ لیگ کے


چوتھے ایڈیشن میں پانچ میچوں کی میزبانی کراچی تین کی لاہور کریگا۔لیگ کے کراچی میں ہو نیوالے میچز کیلئے ٹکٹ 500روپے کا ہو گا، وی آئی پی ٹکٹ کی قیمت 12 ہزار روپے تک ہو گی جبکہ ایونٹ کے فائنل میچ کے ٹکٹ کی قیمت زیادہ رکھنے کا فیصلہ کیا گیا ہے۔لاہور میں 9، 10 اور 12 مارچ کو شیڈول تین میچز کے ٹکٹ ایک ہزار سے 12 ہزار روپے تک مالیت کے ہو نگے۔کراچی میں ہو نیوالے میچز 7، 10، 13، 15 مارچ کو ہو نگے جبکہ 17 مارچ کو فائنل کی میزبانی بھی کراچی کا نیشنل اسٹیڈیم کر یگا۔

موضوعات:

loading...