نئی دہلی(این این آئی)بھارتی سپریم کورٹ نے شری شانتھ کی درخواست پر کرکٹ بورڈ کو نوٹس جاری کردیا ہے۔بھارتی سپریم کورٹ نے فکسنگ پر تاحیات پابندی کے شکار فاسٹ بولر شری شانتھ کی درخواست پر کرکٹ بورڈ کو نوٹس جاری کردیا ہے جس میں بی سی سی آئی کو جواب دینے کیلیے چارہفتوں کی مہلت دی گئی ہے۔واضح رہے کہ شری شانتھ کو 2013 میں

انڈین پریمیئر لیگ میں فکسنگ کے الزام میں گرفتار بھی کیا گیا تھا جبکہ بورڈ نے ان پر عمر بھر کیلئے کرکٹ کھیلنے پر پابندی عائد کردی تھی۔ شری شانتھ پر پہلے کیرالا کی عدالت نے پابندی اٹھائی تھی تاہم بعد میں بی سی سی آئی نے فیصلے کو کیرالا ہائی کورٹ میں چیلنج کرکے ان پر پابندی بحال کرادی تھی جس کے خلاف اب شری شانتھ نے سپریم کورٹ کا دروازہ کھٹکھٹایا ۔

موضوعات:بھارتی سپریم کورٹ،شری شانتھ،کرکٹ بور