کابل (این این آئی)افغانستان نے دو ٹی ٹوئنٹی میچز کی سیریز کے پہلے میچ میں زمبابوے کو پانچ وکٹ سے ہرا دیا۔پہلے کھیلتے ہوئے زمبابوے ٹیم نے 9وکٹ پر 120 رنز اسکوربنائے، زمبابوے کی جانب سے میلکم والر 27 اور سولومن مائر 34 رنز کے ساتھ مزاحمت کر پائے۔
افغانستان کی جانب سے راشد خان نے تین اور شرف الدین اشرف نے دو وکٹ لی۔افغانستان نے ہدف 15ویں اوور میں 5 وکٹ پر حاصل کرلیا، افغانستان کی جانب سے محمد نبی نے تین چھکوں اور چار چوکوں کی مدد سے40، محمد شہزاد نے 20، اور شفیق اللہ نے ناٹ آئوٹ 14رنز بنائے۔
