لاہور (سی پی پی ) پی ایس ایل تھرڈ ایڈیشن 22فروری سے شروع ہو گا ،سنسنی خیز مقابلوں کے ٹکٹس کی فروخت بھی شروع کردی گئی،پی ایس کا فائنل کراچی میں ہو گا ۔میڈیا رپورٹس کے مطابق پاکستان سپر لیگ کا تھرڈ ایڈیشن پورے آب و تاب سے شروع ہونے کو ہے۔ پاکستان ہی نہیں پوری دنیا کی نظریں پی ایس ایل پر جمی ہیں جس میں کرکٹ کا بخار ایک سو چار تک پہنچے گا۔ بائیس فروری سے یو اے ای میں کرکٹ کا رنگا رنگ میلہ لگے گا۔ سنسنی خیز مقابلوں کے ٹکٹس کی فروخت بھی شروع کردی گئی ہے۔
خوشی کی بات یہ ہے کہ لاہور میں کامیابی کے بعد پی ایس ایل کا فائنل کراچی میں ہوگا جہاں بڑے میچ کی بڑی تیاریاں زور و شور سے جاری ہیں۔ نیشنل سٹیڈیم کراچی میں سٹیج بھی سجے گا۔ چھکے چوکوں کی برسات ہوگی اور شائقین اپنے سٹارز کو براہ راست دیکھیں گے۔ ہنگامی بنیادوں پر کھلاڑیوں کی سیکیورٹی کے لئے سٹیڈیم میں فل ڈریس ریہرسل 11 فروری کو ہوگی۔ پاکستان کرکٹ بورڈ اور سندھ حکومت دونوں ہی 25 مارچ کے فائنل میچ کے لئے پر عزم نظر آرہے ہیں۔
