اسلام آباد (این این آئی)آئندہ سال بھارت میں طے شدہ ایشیا کپ کرکٹ ٹورنامنٹ کے حوالے سے غیر یقینی صورتحال برقرار رہی ٗ اے سی سی اب تک نئے میزبان کے معاملہ پر فیصلہ نہیں کرسکی۔ایشیا کپ کرکٹ ٹورنامنٹ ستمبر 2018میں بھارت میں طے ہے تاہم بی سی سی آئی کی جانب سے ٹورنامنٹ کی میزبانی پر ہچکچاہٹ ظاہر کی گئی ہے تاہم اب تک بھارت سے باضابطہ طور پر

ٹورنامنٹکی میزبانی نہیں لی گئی۔دبئی میں ہونیوالے اے سی سی کے اجلاس میں بھی اس حوالے سے حتمی فیصلہ نہیں ہوسکا۔بی سی سی آئی کی جانب سے آگاہ کیا گیا کہ اسے اب تک حکومت کی طرف سے ایونٹ میں پاکستان کی شرکت سمیت ٹورنامنٹ کی میزبانی کی اجازت نہیں ملی جبکہ پاکستان کرکٹ بورڈ کو بھی حکومت پاکستان سے بھارت میں جاکر ٹورنامنٹ کھیلنے کی تاحال اجازت نہیں ملی۔