لاہور (این این آئی)پاکستان کرکٹ ٹیم کے فاسٹ بولر جنید خان ان فٹ ہوگئے، ذرائع کے مطا بق نیوزی لینڈ کے خلاف سیریز میں اْن کی شرکت مشکوک ہوگئی ہے۔ذرائع کے مطابق فاسٹ بولر جنید خان بی پی ایل کے دوران دائیں پائوں کی تکلیف کا شکار ہوئے اور وہ فریکچر کے سبب بی پی ایل کے تمام میچز نہیں کھیل سکے۔ذرائع کے
مطابق جنید خان کی انجری کا جائزہ لیے جانے کے بعد اندازہ ہوگا کہ اْنہیں کتنے دن آرام کی ضرورت ہے ٗابتدائی رپورٹس کے مطابق جنید خان کا ٹیم میں شامل ہونا مشکل ہے۔واضح رہے کہ جنید خان سری لنکا کے خلاف سیریز میں قومی ٹیم کا حصہ تھے۔
