اسلام آباد(مانیٹرنگ ڈیسک)بھارت اور سری لنکا کے درمیان دھرم شالا میں کھلے جارہے پہلے ایک روزہ میچ میں لنکن بائولرز نے بھارتی بلے بازوں کی بولتی بند کردی ۔صرف 35 کے مجموعی سکور پر 7 کھلاڑیوں کو پویلین کی راہ دکھا دی ۔تین میچوں پر مشتمل سیریز کے پہلے میچ میں سری لنکا نے

ٹاس جیت کر فیلڈنگ کرنے کا فیصلہ کیا تو لنکن باﺅلرز شروع سے ہی بھارتی بلے بازوں پرچھائے بھارت کے 7 بلے باز صرف 35 کے مجموعی سکور پر پویلین لوٹ گئے جن میں سے 5 بلے باز دوہرا ہندسہ بھی عبور نہ کر سکے۔کپتان روہت شرما نے 2، شیکھر دھون نے 0، شریاس آئیر نے 0، دنیش کارتھک نے 0، منیش پانڈے نے 2، ہردیک پانڈیا نے 10 رنز بنائے جبکہ بھوینشور کمار کوئی سکور نہ بنا سکے۔سری لنکا کی جانب سے سورنگا لکمل نے طوفانی باﺅلنگ کرتے ہوئے4 کھلاڑیوں کو پویلین کی راہ دکھائی جبکہ نووان پرادیپ نے 2 اور اینجلو میتھیوز نے ایک وکٹ حاصل کی۔اس وقت بھارت کا سکو87 ہوچکا ہے اور اس کے 8 کھلاڑی آئوٹ ہو چکے ہیں ۔دھونی اس وقت 40 رنز کیساتھ بھونیشور کمار کیساتھ کریز پر موجود ہیں اور وہی بھارتی ٹیم کی آخری امید ہیں