ڈھاکہ( سی پی پی)بنگلہ دیش پریمئر لیگ میں شیڈول پہلے کوالیفائر سے قبل ڈھاکہ کے مصدق حسین اور کومیلا وکٹورینز کے پاکستانی فاسٹ باؤلر محمد عامر کے مابین جھگڑے کی ویڈیو سامنے آگئی ۔ سوشل میڈیا پر سامنے آنے والی ویڈیو میں دیکھا جاسکتا ہے کہ دونوں ٹیمیں میچ سے قبل گراؤنڈ میں پریکٹس سیشن میں مصروف ہیں اور
مصدق حسین اور محمد عامر بھی فٹبال میچ کھیلنے کے بعد اپنے ساتھیوں کی جانب جاتے دکھائی دیتے ہیں کہ اس دوران اچانک مصدق حسین پیچھے مڑ کر محمد عامر کا گریبان پکڑکر انہیں دھکے دینے لگتے ہیں تاہم دیگر کھلاڑی ان دونوں کے درمیان بیچ بچاؤکروا دیتے ہیں۔بنگلہ دیشی میڈیا کے مطابق دونوں کھلاڑیوں کے مابین یہ گرما گرمی فٹبال پریکٹس میچ کے دوران کسی بات پر شروع ہوئی تھی۔
