لاہور ( این این آئی) پاکستان سپر لیگ کے تیسرے ایڈیشن کی ڈرافٹنگ نومبر میں ہوگی،کھلاڑیوں کے ٹرانسفر اینڈ ریٹنشن کے لئے ونڈو رواں ہفتے کھلے گی۔پاکستان سپر لیگ کے تیسرے ایڈیشن کا اجلاس نجم سیٹھی کی سربراہی میں ہوا۔ جس میں پی ایس ایل تھری کے لئے کھلاڑیوں میں ردوبدل اور متبادل کا معاملہ زیر بحث آیا۔
پلیرز ٹرانسفر اینڈ ریٹنشن ونڈو رواں ہفتے کھولنے کا فیصلہ کیا گیا جبکہ پی ایس ایل کے تیسرے ایڈیشن کی ڈرافٹنگ نومبر میں ہوگی۔ اجلاس میں پی ایس ایل تھری میں شامل فرنچائز کے نمائندے شریک تھے۔ میٹنگ میں فرنچائز نمائندوں کو پی ایس ایل تھری کے حوالے سے بریفنگ دی گئی۔
