لاہور( این این آئی )سری لنکا ننے پاکستان میں محدود اوورز کے میچز کھیلنے سے انکار کر دیا، دونوں ملکوں کے درمیان سیریز یو اے ای میں ہوگی۔تفصیلات کے مطابق انٹرنیشنل کرکٹ کی بحالی کی امیدیں دم توڑ گئیں، سری لنکا نے اکتوبر ،نومبر میں دورہ پاکستان کی حامی نہیں بھری۔
سری لنکا اور پاکستان کے درمیان ٹیسٹ ،ون ڈے اور ٹی ٹونٹی سیریز یو اے ای میں کھیلی جائے گی، اس سے پہلے پی سی بی نے کرکٹ سری لنکا کو پاکستان میں محدود اوورز کے میچز کھیلنے کی تجویز دی تھی۔پی سی بی کے مطابق ستمبر میں ورلڈ الیون کے دورے کی منصوبہ بندی کی جارہی ہے جس کے بعد دوسری ٹیموں کو مذاکرات کے ذریعے قائل کرنے کی کوشش کی جائے گی۔
