اسلام آباد (مانیٹرنگ ڈیسک) چیمپیئنز ٹرافی میں پاکستان کے ہاتھوں بھارت کی شکست نے بھارتیوں کی نیندیں اڑا رکھی ہیں، فائنل میں دردناک شکست کسی صورت بھی بھارتیوں سے بھلائی نہیں جا رہی۔ ایک بھارتی وزیر رام داس اتھا والے نے بھارتی ٹیم کی شرمناک شکست پر ٹیم کے خلاف انکوائری شروع کرنے کا مطالبہ کر دیا ہے۔

ان کا کہنا تھا کہ بھارت نے پاکستان کو پہلے میچ میں124رنز سے شکست دی تھی تو فائنل میچ میں بھارت کی اتنی مضبوط ٹیم کیسے اپنی روایتی حریف سے شرمناک شکست کھا گئی۔ پاکستان نے چیمپیئنز ٹرافی کے فائنل میں بھارت کو 180رنز سے شکست دے کر ٹرافی اپنے نام کر لی تھی۔بھارت اب تک پاکستان کی جیت ہضم نہیں کر پایا۔