اسلام آباد (مانیٹرنگ ڈیسک) قومی کرکٹر فخر زمان نے صائمہ نامی خاتون کو اپنا منیجر مقرر کر دیا۔ پہلے روز ان کی دفتر آمد پر پھول بھی بھجوا دئیے۔ تفصیلات کے مطابق چیمپئنز ٹرافی فائنل میں پاکستان کی جیت میں اہم کردار ادا کرنے والے بلے باز فخر زمان نے صائمہ نامی خاتون کو اپنا منیجر مقرر کرتے ہوئے ان کے پہلے دن دفتر آمد پر پھولوں کا تحفہ بھی بھجوا دیا ہے۔ فخر زمان نے سماجی رابطوں کی ویب سائٹ ”ٹوئٹر“
پر جاری اپنے پیغام میں مداحوں کو آگاہ کیا کہ ”تازہ ترین اپ ڈیٹس، پی آر، کاروبار اور میڈیا انکوائریز کیلئے میری منیجر کو ٹوئٹر پر فالو کریں۔“دوسری جانب ان کی منیجر صائمہ نے اپنے ٹوئٹر اکاؤنٹ پر پھولوں کی ایک تصویر اپ لوڈ کی اور لکھا ”میں اپنے دفتر میں ابھی داخل ہوئی تو مجھے یہ نظر آئے۔ بہت بہت شکریہ فخر زمان، آپ اپنی مینجمنٹ ٹیم کا بہت خیال رکھتے ہیں جیسے ہم آپ کا ۔“
