کراچی (آئی این پی) قومی کرکٹ کے کپتان سرفراز احمد نے کہا ہے کہ جیت پراللہ تعالیٰ کے شکرگزار ہیں۔ بھارت کے ساتھ پہلے میچ میں لڑ کے بہت دباؤ میں آگئے تھے۔ ٹیم مینجمنٹ نے بہت محنت کہ اور ٹیم نے کم بیک کیا۔کراچی پہنچنے کے بعد اپنی رہائش گاہ کے باہر میڈیا سے گفتگو کرتے ہوئے سرفراز احمد نے کہا کہ سینئر نے زبردست پرفارم کیا۔ آنے والے وقت میں
مزید اچھی پرفارمنس دیں گے۔ ہم نے ہر شعبے میں اچھی کارکردگی دکھائی، جس کی وجہ سے ٹیم کی فتح ہوئی۔انہوں نے کہا کہ پہلی جیت کے بعد لڑکوں میں مزید ہمت آئی اور کارکردگی بہتر ہوئی۔ چیمپینز ٹرافی جیتنے کی بہت بڑی خوشی ہے۔ سپورٹ کرنے پرعوام کا شکریہ ادا کرتاہوں۔سرفراز احمد نے مزید کہا کہ وہ اپنی والدہ کومس کررہے ہیں جو عمرے پر گئی ہوئی ہیں۔
