نئی دہلی (این این آئی)چیمپئنز ٹرافی میں پاکستان کے ہاتھوں فائنل میں بدترین شکست کے بعد بھارتی کرکٹ ٹیم کے کوچ انیل کمبلے اپنے عہدے سے مستعفی ہو گئے۔ میڈیا رپورٹ کے مطابق انیل کمبلے کا ایک سالہ معاہدہ چیمپئنز ٹرافی کے ساتھ ہی ختم ہو گیا تھا تاہم بورڈ نے ان سے دورہ ویسٹ انڈیز تک ٹیم کی کوچنگ جاریرکھنے

کی درخواست کی تھی جسے انہوں نے قبول کر لیا تھا تاہم چیمپئنز ٹرافی میں پاکستان کے ہاتھوں شکست کے بعد بھارتی میڈیا اور کئی سابق کرکٹرز نے کوہلی اور کمبلے کے درمیان اختلاف کو ٹیم کی ناکامی کا ذمہ دار ٹھہرایا۔ کمبلے دباؤ برداشت نہ کر سکے اور دورہ ویسٹ انڈیز سے چند روز قبل ہی عہدے سے مستعفی ہو گئے۔