اسلام آباد(این این آئی)وزیرمملکت اطلاعات ونشریات مریم اورنگزیب نے کہاہے کہ وزیراعظم محمد نواز شریف کا شاندار اور تاریخی کھیل پیش کرنے پر پاکستان کرکٹ ٹیم کے ہر کھلاڑی کو ایک کروڑ روپے نقد انعام دینے کا اعلان کیاہے۔اپنے ایک بیان میں انہوں نے کہاکہ پاکستانی ٹیم نے چیمپئین بن کر پوری قوم
کا سر فخر سے بلند کیا ہے ۔مریم اورنگزیب نے کہاکہ قومی ٹیم نے بیٹنگ،بولنگ ، فیلڈنگ اور ہر شعبے میں بہترین کارکردگی کا مظاہرہ کیا۔وزیرمملکت نے کہاکہ بہترین کارکردگی پر قومی ٹیم پذیرائی کی مستحق ہے نوجوان کھلاڑیوں کی حوصلہ افزائی ملک میں کھیلوں کے فروغ کیلئے معاون ثابت ہو گی۔
