اسلام آباد(آئی این پی ) پاکستان کرکٹ بورڈ( پی سی بی)کی ایگزیکٹو کمیٹی کے چیئر پرسننجم سیٹھی نے کہا ہے کہ اگلے سال پی ایس ایل میں 6 ٹیمیں ہوں گی،30سے 35 غیرملکی پی ایس ایل میں کھیلیں گے، ساری دنیاپی ایس ایل کی تعریف کررہی ہے ۔ وہ پیر کو نجی ٹی وی سے گفتگو کر رہے تھے ۔انہوں نے کہا کہ نوجوان لڑکے پی ایس ایل کے ذریعے آرہے ہیں،

پی ایس ایل میں نوجوان کھلاڑیوں نے ٹاپ کے کھلاڑیوں کیساتھ کرکٹ کھیلی، بیشترکھلاڑی لیگ میں کھیلتے ہیں۔نجم سیٹھی نے کہا کہ چیمپئنزٹرافی کاپہلامیچ بدقسمتی سے بہترنہیں ہوا، کوچزاورہم نے مل کرکھلاڑیوں کوحوصلہ دیا۔انہوں نے کہا کہ ہمارے پلیئرزنے پی ایس ایل میں اپنے مینٹرزاورغیرملکی کھلاڑیوں سے سیکھا، ٹیم کومتحرک کرنا چاہیے۔

موضوعات:نجم سیٹھی