بارباڈوس(مانیٹرنگ ڈیسک)ویسٹ انڈیز کے ہاتھوں دوسرے ٹیسٹ میچ میں پاکستانی کرکٹ ٹیم کی عبرتناک شکست کے بعد ویسٹ انڈین صحافیوں کا مصباح الحق سے غیر مناسب سلوک۔ تفصیلات کے مطابق پاکستان کو ویسٹ انڈیز کے ہاتھوں دوسرے ٹیسٹ میچ میں شرمناک شکست کا سامنا کرنا پڑا تو میچ کے بعد پاکستان ٹیم کے کپتان مصباح الحق پریس کانفرنس نہ کرسکے۔
رپورٹ کے مطابق 106 رنز سے شکست کے بعد مصباح الحق کی پوسٹ میچ پریس کانفرنس کو منسوخ کردیا گیا کیونکہ کریبین صحافی ان سے کوئی بھی سوال نہیں کرنا چاہتے تھے اور انہوں نے پاکستانی کپتان کی پریس کانفرنس میں عدم دلچسپی کا اظہار کیا جس کی وجہ سے مصباح صحافیوں سے گفتگو نہ کرسکے اور نہ ہی میچ ہارنے پر کوئی بات کرسکے۔
