اسلام آباد(مانیٹرنگ ڈیسک) سری لنکن بلے باز تلکارتنے دلشان کے کیرئیر ریکارڈ کے مطابق وہ دنیا کے واحد بلے باز ہیں جو ایک ون ڈے میچ میں تین مرتبہ آئوٹ ہوئے۔ سری لنکا کے دمبولا انٹرنیشنل کرکٹ سٹیڈیم میں پاکستان کے خلاف کھیلے گئے میچن کی پہلی اننگز کے چوتھے اوور میں تلکارتنے دلشان محمد عرفان کی گیند پر وکٹوں کے پیچھے سرفراز احمد کے ہاتھوں کیچ آئوٹ ہو ئے لیکن امپائر نے پاکستانی بائولر محمد عرفان کی

کرائی گیند کو نوبال قرار دے کر سری لنکا کو فری ہٹ دے دی۔ اگلی گیند (فری ہٹ) پر بھی دلشان بڑی شارٹ لگانے کے چکر میں مڈ آف پر کیچ آئوٹ ہو گئے تاہم فری ہٹ ہونے کے باعث انہیں آئوٹ ڈکلیئر نہیں کیا گیا اور سری لنکا کی اہم وکٹ بچ گئی۔ تیسری بار دلشان27ویں اوورز میں 38رنز کر محمد حفیظ کی گیند پر بولڈ ہو گئے اور اس طرح ایک اننگز میں مجموعی طور پر وہ 3بار آئوٹ ہوئے۔

موضوعات:تلکارتنے دلشان سری لنکا