اسلام آباد (نیوز ڈ یسک) آئل اینڈ گیس ریگولیٹری اتھارٹی (اوگرا) نے اگست 2026 کے لیے ایل پی جی کی قیمتوں میں اضافے کا اعلان کر دیا،

جس کے بعد گھریلو اور کمرشل صارفین کو مزید اخراجات برداشت کرنا ہوں گے۔اوگرا کی جانب سے جاری کردہ نوٹیفکیشن کے مطابق فی کلو ایل پی جی کی قیمت میں 13 روپے اضافہ کیا گیا ہے، جس کے بعد نئی قیمت 254 روپے فی کلو مقرر کی گئی ہے، جبکہ اس سے قبل یہ قیمت 241 روپے فی کلو تھی۔قیمتوں میں اضافے کے نتیجے میں گھریلو استعمال کا سلنڈر 152 روپے مہنگا ہو گیا ہے۔

نئے نرخوں کے مطابق 11.8 کلوگرام کا گھریلو سلنڈر اب 3001 روپے میں دستیاب ہوگا، جبکہ پہلے اس کی قیمت 2849 روپے تھی۔اسی طرح کمرشل صارفین بھی اضافی بوجھ برداشت کریں گے، کیونکہ کمرشل ایل پی جی سلنڈر کی قیمت میں 585 روپے اضافہ کیا گیا ہے۔ نئے ریٹ کے تحت کمرشل سلنڈر 11 ہزار 546 روپے میں فروخت ہوگا، جبکہ پہلے اس کی قیمت 10 ہزار 961 روپے تھی۔اوگرا نے واضح کیا ہے کہ ایل پی جی کی نئی قیمتوں کا اطلاق یکم اگست 2026 سے ہوگا، جس کے بعد ملک بھر میں صارفین کو نئے نرخوں کے مطابق ادائیگی کرنا ہوگی۔