اسلام آباد(مانیٹرنگ ڈیسک)شاہد آفریدی نجی ٹی وی کے رمضان المبارک کے خصوصی پروگرام کا حصہ بن گئے ۔اے آر وائی نیوز کے مطابق شاہد آفریدی نے جنید جمشید کی سانحہ حویلیاں میں شہادت کے بعد رمضان المبارک میں شروع ہونے والے خصوصی پروگرام’’شان رمضان‘‘ کا حصہ بننے کا فیصلہ کیا ہے ۔
پروگرا م کے پرومو کی ریکارڈنگ شروع کر دی گئی ہے۔شاہد آفریدی نےخصوصی پیغام جاری کرتے ہوئے کہا کہ تمام پاکستانی آنے والے رمضان کی اہمیت کو سمجھتے ہوئے اس کو اچھی طرح گزاریں پیار محبت کے ساتھ رہیں اور جس مقصد کے لیے رمضان المبارک میں پروگرام کا انعقاد کیا جا رہا ہے اس میں مدد کریں۔
