لاہور(نیوزڈیسک)بگ تھری کے خاتمے کے بعد ایک اور جھٹکا،بھارت کو چیمپئنزٹرافی نہ کھیلنے کی دھمکی بھاری پڑ گئی،ویسٹ انڈیز کیلئے بڑی خوشخبری، تفصیلات کے مطابق بگ تھری کے خاتمے کے بعد بھارت کی جانب سے آئی سی سی چیمپینز ٹرافی کے بائیکاٹ کی دھمکی پر آئی سی سی

نے جوابی اقدام کے طورپر پلان بی پر عملدرآمد کا فیصلہ کرلیا ہے جس کی رو سے بھارت نے اگر چیمپئنز ٹرافی نہ کھیلنے کا حتمی اعلان کیا تو بخوشی بھارتی اعلان کو قبول کرتے ہوئے ویسٹ انڈیز کو چیمپئنز ٹرافی میں شرکت کا پروانہ دے دیاجائیگا،واضح رہے کہ یکم جون سے انگلینڈ میں شروع ہونیوالی چیمپئنز ٹرافی کیلئے 7 کرکٹ بورڈز نے سکواڈ کا اعلان کر دیا ہے لیکن بھارت نے تاحال سکواڈ کا اعلان نہیں کیا،جس کی اصل وجہ بگ تھری پر اختلافات ہیں ،بھارت کی عدم شرکت پر ویسٹ انڈیز کو ٹورنامنٹ میں شامل کرنے کا فیصلہ کرلیاگیا ہے۔