دہلی(آئی این پی)بیٹے کی پیدائش پر میری زندگی میں کیا تبدیلی آئی ؟ کرس گیل نے حیران کن وجہ بتا دی ، ویسٹ انڈین اوپنر کرس گیل نے اپنی زندگی کی کئی باتوں سے پردہ اٹھا دیا۔ انہوں نے بتایا کہ باپ بننے کے بعد ان میں واضح تبدیلی آئی اور وہ مثبت طریقے سے آگے بڑھے۔ چیلنج قبول کرنے سے انہیں خوشی ہوتی ہے مگر وہ ایک

سخت والد نہیں بنیں گے ،ان کا کہنا تھا کہ وہ خود بھی اندر سے بچے ہی ہیں لہٰذا بچوں کے ساتھ وقت گزارنا اچھا لگتا ہے۔ پارٹیوں میں شرکت کے شوقین کرس گیل نے خود کو سہل انسان قرار دیتے ہوئے کہا کہ انہیں ایسے لطیفے سنانا اچھا لگتا ہے جس پر لوگ مسکرائیں۔‎