لاہور(آئی این پی) کرکٹ کرپشن اسکینڈل میں فاسٹ باؤلر محمد عرفان کوچارج شیٹ جاری کردی گئی جب کہ کھلاڑی سے رابطے میں رہنے والے بکی کا کراچی سے تعلق کا انکشاف ہوا ہے۔پی سی بی نے فاسٹ باؤلرمحمد عرفان کو چارج شیٹ جاری کرتے ہوئے ہر طرح کی کرکٹ کھیلنے سے معطل کردیا ہے جب کہ انہیں 14 روزکے اندرجواب داخل کرانا ہوگا جب کہ ذرائع کا کہنا ہے کہ مبینہ بکی کا تعلق کراچی سے ہے۔
فاسٹ باؤلرمحمد عرفان گزشتہ روزپی سی بی کے اینٹی کرپشن یونٹ کے سامنے پیش ہوئے تھے جس میں انہوں نے بکیوں سے رابطے کا اعتراف کرتے ہوئے بتایا کہ والدین کی بیماری اور پھر وفات کے باعث ذہنی دباؤ کا شکار تھا اس لیے ٹیم مینجمنٹ اوربورڈ حکام کوآگاہ نہیں کرسکا۔ کرکٹ کرپشن کیس میں ملوث ایک اورکھلاڑی شاہ زیب حسن بھی انٹی کرپشن یونٹ کے سامنے پیش ہوئے جن کا کہنا ہے کہ ایسا کوئی کام نہیں کیا جس پرشرمندہ ہوں۔ دوسری طرف چیئرمین پی سی بی شہریارخان کہہ چکے ہیں کہ عرفان اورشاہ زیب کے خلاف ان کے پاس کوئی واضح ثبوت نہیں اورشہریارخان نے گزشتہ روزمیڈیا سے بات کرتے ہوئے فکسنگ میں ملوث کھلاڑیوں کا کیرئیرختم ہونے کا اشارہ دیا تھا۔ کرکٹ کرپشن کیس میں ملوث ایک اورکھلاڑی شاہ زیب حسن بھی انٹی کرپشن یونٹ کے سامنے پیش ہوئے جن کا کہنا ہے کہ ایسا کوئی کام نہیں کیا جس پرشرمندہ ہوں۔ دوسری طرف چیئرمین پی سی بی شہریارخان کہہ چکے ہیں کہ عرفان اورشاہ زیب کے خلاف ان کے پاس کوئی واضح ثبوت نہیں اورشہریارخان نے گزشتہ روزمیڈیا سے بات کرتے ہوئے فکسنگ میں ملوث کھلاڑیوں کا کیرئیرختم ہونے کا اشارہ دیا تھا۔ واضح رہے کہ پاکستان سپرلیگ میں اسپاٹ فکسنگ اسکینڈل کی زد میں آنے والے محمد عرفان کو ہر قسم کی کرکٹ کھیلنے سے معطل بھی کر دیا گیا ہے۔
