لاہور(مانیٹرنگ ڈیسک) جدید آلات، ڈھیروں اہلکار، شہر بھر میں ہائی الرٹ مگر نامعلوم نوجوان نے سب کی آنکھوں میں دھول جھونک دی اور ساری رکاوٹیں عبور کرتا ہوا ڈریسنگ روم تک جا پہنچا تھا۔ ڈیوڈ مالان نے کرکٹ کی مشہور ویب سائٹ کو انٹرویو دیتے ہوئے کہا وہ شخص کھلاڑیوں
کے ساتھ سیلفی بنوانا چاہتا تھا۔انہوں نے سیکیورٹی اہلکار کو جگایا تو نوجوان کو باہر نکال دیا گیا۔ مالان نے سوال اٹھایا کہ اتنی سیکیورٹی کے باوجود نوجوان ڈریسنگ روم تک کیسے پہنچا۔ مالان نے خبردار کیا کہ اگر پاکستان کو انٹر نیشنل کرکٹ واپس لانی ہے تو سیکورٹی کو مزید بہتر کرنا ہو گا۔
