اسلام آباد (آئن لائن )چین بھی پی ایس ایل کی کامیابی پر چپ نہ رہ سکا پشاور زلمی کیلئے ایسا اعلان کر دیا کہ ٹیم میں خوشی کی لہر دوڑ گئی , چینی سفیر نے پی ایس ایل سیزن ٹو میں شاندار کامیابی پر مبارکباد پیش کی ہے۔ تفصیلات کے مطابق پشاور زلمی کے مالک جاوید آفریدی نے چینی سفیر سن وی تونگ سے ملاقات کی۔ جاویدآفریدی نے چینی سفیر کے ساتھ پی ایس ایل سیزن ٹو پر گفتگو کی۔ سن وی تونگ نے پشاور زلمی کی کامیابی پر انہیں مبارکباد دی ۔سوشل میڈیا سائٹ ٹوئٹر پر جاوید آفریدی نے چینی سفیر کے ساتھ ملاقات کی تصاویر اپ لوڈ کیں ۔
ایک تصویر میں جاوید آفریدی اور چینی سفیر دونوں نے پی ایس ایل کی ٹرافی اٹھائی ہوئی ہے۔جاوید آفرید ی نے اپنے ٹوئٹ میں چینی سفیر کا شکریہ بھی ادا کیا۔جاوید آفریدی کے مطابق چینی سفیر نے پی ایس ایل کے کامیاب انعقاد پر وزیر اعظم کی بھی تعریف کی اور امید ظاہر کی کہ پی ایس ایل فائنل کے کامیاب انعقاد سے پاکستان میں انٹرنیشنل کرکٹ کی بحالی کی راہ ہموار ہوگی۔
