لندن(مانیٹرنگ ڈی سک)پی ایس ایل میں پشاور زلمی کے برطانوی کرکٹر ڈیوڈ ملن نے کہاہے کہ سری لنکاکے کرکٹرز سنگاکارا اور جے وردھنے سے بات چیت کے بعد پاکستان میں پی ایس ایل کافائنل کھیلنے کےلئے راضی ہواتھا۔ایک نجی ٹی وی کی ر پورٹ کے مطابق برطانوی کرکٹر ڈیوڈ ملن نے انکشاف کیاہے کہ پاکستان آنے سے پہلے میرے ذہن میں کئی سوالات تھے۔ سنگاکارا اور جے وردھنے کویقین تھا کہ پاکستان میں کھلاڑی
محفوظ ہوں گے لیکن مجھے اندیشہ بھی تھا کہ کہیں شائقین کو نشانہ نہ بنالیا جائے۔ ڈیوڈ ملن نے کاکہاکہ پشاور زلمی میں سب سے پہلے ڈیرن سیمی نے کہا تھا کہ میں پی ایس ایل کے فائنل کےلئے پاکستان کادورہ کروں۔انہوں نے کہاکہ پاکستان جانے سے متعلق سری لنکا کے سابق کپتانوں سنگاکارا اور مہیلا جے وردھنے سے بھی بات کی تھی۔ دونوں کرکٹرز نے پاکستان جانے کا مشورہ دیا تھا جس کے بعد میں ذہنی طور پر تیار ہو گیاتھا۔
